Նորություններ

Աշխատանքային այց ՀՀ ԳԱԱ գիտակրթական միջազգային կենտրոն

16.12.2016

Դեկտեմբերի 13-ին Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրերի մշտադիտարկման շրջանակներում ԿԾԿ ԾԻԳ-ի ներկայացուցիչները աշխատանքային այցով եղան ՀՀ ԳԱԱ գիտակրթական միջազգային կենտրոնում (ՀՀ ԳԱԱ ԳԿՄԿ): Դրամաշնորհային ծրագրի համակարգող Արուսյակ Հարությունյանը ներկաներին ծանոթացրեց ՆՄՀ շրջանակներում ԿԾԿ ԾԻԳ-ի և ՀՀ ՊԿԱ-ի միջև դրամաշնորհային պայմանագրով իրականացվող <<Հեռավար մագիստրոսական կրթություն՝ համատեղ դիպլոմի շնորհմամբ>> ծրագրի ընթացիկ աշխատանքներին: Հիշեցնենք, որ ՀՀ ԳԱԱ գիտակրթական միջազգային կենտրոնը վերոնշյալ դրամաշնորհային ծրագրի շրջանակներում ստեղծված կոնսորցիումի մասնակիցներից մեկն է, մյուսը ՝ ՀՀ ԳԱԱ ինֆորմատիկայի և ավտոմատացման պրոբլեմների ինստիտուտն է (ՀՀ ԳԱԱ ԻԱՊԻ): Ծրագրի իրականացումը միտված է ՀՀ-ում հեռավար կրթության ներդրմանն ու զարգացմանը, միասնական կրթական տարածքի ստեղծմանը: Հավելենք, որ <<Բիզնեսի կառավարում>> մասնագիտությամբ մագիստրոսական ծրագրի ավարտին համատեղ դիպլոմի շնորհումը իրականացվելու է ՀՀ պետական կառավարման ակադեմիայի և դրամաշնորհային ծրագրի կոնսորցիումի մասնակից ՀՀ ԳԱԱ գիտակրթական միջազգային կենտրոնի կողմից (ՀՀ ԳԱԱ ԳԿՄԿ): ՀՀ ՊԿԱ կատարած այցի շրջանակներում ԿԾԿ ԾԻԳ-ի ներկայացուցիչները արձանագրեցին, որ ձեռք բերված անհրաժեշտ տեխնիկական սարքավորումների մի մասը տեղադրված է ՀՀ պետական կառավարման համալսարանում, իսկ մյուս մասը՝ կոնսորցիումի մասնակից ՀՀ ԳԱԱ գիտակրթական միջազգային կենտրոնում:Դրամաշնորհային ծրագրի համակարգողը ներկայացրեց այն տեխնիկական սարքավորումը, (DNS սերվեր) որի վրա տեղադրված է էլեկտրոնային Moodle հարթակը, ուսումնական գործընթացը առավել արդյունավետ կազմակերպելու և կառավարելու համար: Նշենք նաև, որ այս համակարգը կօգնի դասախոսական անձնակազմին ստեղծելու արդյունավետ առցանց ուսումնական համայնք: Այցի ընթացքում ներկաները շրջեցին մասնագիտացված լսարաններում , որտեղ նախատեսված է իրականացնել հեռավար դասընթացների կառուցում և երկու գործընկեր բուհերի պրոֆեսորադասախոսական կազմի վերապատրաստում՝ նորարարական մեթոդներով: Ա. Հարությունյանի հավաստմամբ՝ առաջիկայում կիրականացվեն հեռավար ուսուցման հարթակում ուսանողների նույնականացման ծրագրային ապահովման մուտքի տրամադրման համար անհրաժեշտ քայլերը: Հանդիպման ընթացքում քննարկվեցին դրամաշնորհային ծրագրով նախատեսված հետագա համատեղ աշխատանքների և գործընթացների կազմակերպմանն առնչվող մի շարք հարցեր: Հավելենք, որ դրամաշնորհային ծրագրի իրականացումը կարևորագույն խթան է Հայաստանի բարձրագույն կրթության տարածքում հեռավար կրթության զարգացման համար:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...