Կրթական ծրագրերի կենտրոն Կրթության, գիտության, մշակույթի և սպորտի նախարարություն

Նորություններ

Համաշխարհային բանկի պատվիրակության այցը ՀՀ մարզեր

26.10.2016

Հոկտեմբերի 17-ից 21-ը Երևան է ժամանել Համաշխարհային բանկի կրթության հարցերով թիմը՝ «Կրթության բարելավում» վարկային ծրագրով ընթացող շինարարական աշխատանքների որակի ու տեմպի տեխնիկական մոնիտորինգ իրականացնելու նպատակով: Համաշխարհային բանկի (ՀԲ) պատվիրակությունը աշխատանքային այցով եղավ «Կրթության բարելավում» ծրագրի շրջանակներում հիմնանորոգվող Մեծամորի, Արարատի, Հրազդանի Մարտունու և Նոյեմբերյանի ավագ դպրոցներում: Պատվիրակության կազմում էին «Կրթության բարելավում» ծրագրի թիմի համաղեկավար Նինո Կուտատելաձեն, խորհրդատու- ճարտարապետ պրն. Դանիել Դյուպետին, խորհրդատու- շինարար պրն. Ալեքսանդր Թովմասյանը, ՀԲ երևանյան գրասենյակի կրթության փորձագետ Անուշ Շահվերդյանը և <<Կրթական ծրագրերի կենտրոն>> ԾԻԳ-ի <<Աջակցություն միջնակարգ դպրոցի երրորդ աստիճանի զարգացմանը>> ենթաբաղադրիչի ղեկավար Պետրոս Քարամյանը: ՀԲ ներկայացուցիչներ՝ խորհրդատու-ճարտարապետ պրն. Դանիել Դյուպետին, խորհրդատու - շինարար պրն. Ալեքսանդր Թովմասյանը ԾԻԳ-ի <<Աջակցություն միջնակարգ դպրոցի երրորդ աստիճանի զարգացմանը>> ենթաբաղադրիչի ղեկավար Պետրոս Քարամյանի ուղեկցությամբ եղան հիմնանորոգվող հինգ տեղամասերում, ծանոթացան հիմնանորոգման ընթացիկ աշխատանքներին ու ծրագրերին: Հիշեցնենք, որ Ծրագրի իրականացումը մեկնարկել է 2015 թվականին: «Կրթության բարելավում» վարկային ծրագրի շրջանակներում`առաջին փուլով իրականացվում է թվով 5 ավագ դպրոցի հիմնանորոգման աշխատանքները: Հավելենք, որ վերանորոգման աշխատանքները իրականացվում են համաձայն սեյսմիկ անվտանգության չափանիշների: Նշենք նաև, որ 5 դպրոցների ընտրությունը իրականացվել է համաձայն ԿԳ նախարարության մշակված չափանիշների: Շինարարական աշխատանքների մեկնարկը սահմանվել է սույն թվականի սեպտեմբերիին, իսկ շինարարական աշխատանքների տևողությունը կազմում է մոտ 24 ամիս: Հանդիպումների ընթացքում ուսումնասիրեցին կատարված շինարարության որակը Շրջելով ինչպես շինհրապարակի ողջ տարածքում, այնպես էլ շենքի ներսում, ՀԲ պատվիրակության անդամները ծանոթացան աշխատանքային ողջ ընթացքին, քննարկեցին նախագծային և շինարարական աշխատանքներին առնչվող մի շարք հարցեր: Ներկաները հուսով էին, որ նման աշխատանքային այցերն հնարավորինս կհեշտացնեն հիմնանորոգման գործընթացը ավագ դպրոցներում, Համաշխարհային բանկի հետ համագործակցության ընդլայնումն էլ կլինի ի նպաստ Հայաստանի կրթության ոլորտի:

Նորություններ

22.07.2026 Մայրաքաղաքի դպրոցներում այսօր բնագիտական առարկաները աշակերտները ուսումնասիրում են ժամանակակից ռեսուրսներով կահավորված լաբորատորիաներում Մայրաքաղաքի դպրոցներում այսօր բնագիտական առարկաները աշակերտները ուսումնասիրում են ժամանակակից ռեսուրսներով կահավորված լաբորատորիաներում: Բնագիտական առարկաների (ֆիզիկա, քիմիա, աշխարհագրություն և կենսաբանություն) գծով լաբորատորիաները ստեղծվել են Ըստ պետական բյուջեի մասին օրենքի հավելվածի՝ «Կրթության որակի ապահովում» ծրագրի «ՀՀ պետական դպրոցների ԲՏՃՄ լաբորատորիաներով ապահովում» միջոցառումների շրջանակներում: ԲՏՃՄ լաբորատորիաները դպրոցներում ստեղծված արդիական ուսումնական... 15.07.2026 ՀՀ Արարատի մարզում ընթանում է ուսումնական գործընթացում լաբորատոր սարքավորումների կիրառման արդյունավետությունը բարձացնելու նպատակով ուսուցիչների վերապատրաստումը ՀՀ հանրակրթական ուսումնական հաստատությունները շարունակում են համալրվել ԲՏՃՄ և ՏՀՏ ինժեներական ժամանակակից լաբորատորիաներով.ինչպես նաև ընթանում է ուսումնական գործընթացում լաբորատոր սարքավորումների կիրառման արդյունավետությունը բարձացնելու նպատակով ուսուցիչների վերապատրաստումը:Նշենք, որ հունիս հուլիս ամիսներին վերապատրաստումներ են իրականացվել ՀՀ Արարատի մարզի Արտաշատի թիվ 2 ավագ դպրոցում, Բաղրամյանի միջնակարգ դպրոցում, Մասիսի ավագ դպրոցում և Ավշարի միջնակարգ դպրոցում: Նշենք , որ ծրագրի... 10.07.2026 «Կրթության որակի ապահովում» ծրագրի շրջանակում վերապատրաստվում են «Քիմիա», «Ֆիզիկա», «Կենսաբանություն», «Աշխարհագրություն» և «Տեղեկատվական տեխնոլոգիաներ» առարկաների ուսուցիչներ Կրթության որակի բարձրացման կարևորագույն միջոցներից մեկը ուսուցիչների մասնագիտական զարգացումն է, որը խթանում է ուսուցման գործընթացի արդյունավետությունը։ Ըստ պետական բյուջեի մասին օրենքի հավելվածի՝ ըստ ծրագրերի և միջոցառումների «Կրթության որակի ապահովում» ծրագիրը ներառում է ուսուցիչների վերապատրաստմանն ուղղված մի շարք միջոցառումներ, որոնք նպատակ ունեն ապահովել հանրակրթական հաստատություններում աշխատող մանկավարժների մասնագիտական աճը։ Վերապատրաստման ծրագրերից մեկը ուղղված է «ՀՀ...