Նորություններ
«Կրթական ծրագրերի կենտրոն» ԾԻԳ-ը շնորհավորում է Ամանորի և Սուրբ Ծննդյան տոների կապակցությամբ
30.12.2025
Սիրելի գործընկերներ,
Կրթական ծրագրերի կենտրոնը ջերմորեն շնորհավորում է Ձեզ Ամանորի և Սուրբ Ծննդյան տոների առթիվ:
Անցնող տարին կրթական համակարգի զարգացման տեսանկյունից նշանակալի էր՝ մեր ջանքերի շնորհիվ բուհերում ստեղծվեցին ժամանակակից լաբորատորիաներ և գերազանցության կենտրոններ, մարզերում և մայրաքաղաքում հիմնվեցին նախակրթարաններ, դպրոցներում ներդրվեցին նորարարական լաբորատոր միջավայրեր, իսկ ավագ դպրոցների հիմնանորոգման ծրագրերը նպաստեցին կրթական ենթակառուցվածքների էական բարելավմանը:
Մեր իրականացրած ծրագրերը նպաստում են որակյալ, մրցունակ և ժամանակակից կրթական միջավայրի ձևավորմանը՝ ամրապնդելով գիտելիքի, նորարարության և հավասար հնարավորությունների մշակույթը ողջ երկրում:
Թող գալիք տարին լինի նոր գաղափարների իրականացման, կայուն զարգացման և արդյունավետ համագործակցության տարի։ Մաղթում ենք Ձեզ առողջություն, ստեղծագործ եռանդ, շարունակական հաջողություններ և վստահ քայլեր՝ կրթության ապագան կառուցելու կարևոր առաքելության մեջ:
Շնորհավոր Ամանոր և Սուրբ Ծնունդ