Նորություններ
Որակի ու տեմպի տեխնիկական մոնիտորինգ հիմնանորոգվող ավագ դպրոցներում
14.06.2021
Հունիսի սկզբում Համաշխարհային բանկի համաֆինանսավորմամբ «Կրթության բարելավում» ծրագրի շրջանակներում իրականացվող աշխատանքների համատեքստում ՀԲ երևանյան գրասենյակի խորհրդատու- շինարար Ալեքսանդր Թովմասյանը ԿԾԿ ԾԻԳ-ի ներկայացուցիչների հետ համատեղ աշխատանքային այցեր է իրականացրել 5 մարզային ավագ դպրոցներում՝ Սևանում, Գորիսում, Գյումրիում, Արթիկում և Վաղարշապատում:
Հիշեցնենք, որ այս ավագ դպրոցներներում ընթանում են հիմնանորոգման աշխատանքներ: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: Այցի շրջանակներում ՀԲ երևանյան գրասենյակի խորհրդատու- շինարար Ալեքսանդր Թովմասյանը ‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի ղեկավար Գ. Բաղդասարյանի և ինժեներ-շինարար Վ. Բոյաջյանի ուղեկցությամբ ծանոթացավ հիմնանորոգման ընթացիկ աշխատանքներին, ուսումնասիրեց կատարված շինարարության որակը: Շրջելով շինհրապարակների ողջ տարածքում, ծանոթացավ աշխատանքային ողջ ընթացքին, արձնագրեց , որ արդեն ավարտին են հասցվել ավագ դպրոցների շենքերի հիմքերի ուժեղացման և ամրացման մետաղական ցանցի և պատերի ջերմամկուսացման շերտի տեղադրման աշխատանքները: Ամփոփվել են նաև ջրամատակարարման և օդափոխության համակարգի մոնտաժման աշխատանքները:Իրականացվել են սանհանգույցների տեղադրման և սալիկապատման աշխատանքներ: Ընթացքում են պատերի ներքին հարդարման աշխատանքները: Հավելենք , որ թվով չորս մարզային ավագ դպրոցներում հիմնանորոգման աշխատանքները ամփոփման փուլում են , իսկ ՀՀ Շիրակի մարզի Գյումրի քաղաքի Ակադեմիական վարժարանի հիմնանորգման աշխատանքներն ամփոփվել են ապրիլին:
