ՀՀ ԿԳՆ <<Կրթական ծրագրերի կենտրոն>> ծրագրերի իրականացման գրասենյակը, <<Կրթության որակ և համապատասխանություն>> ծրագրի շրջանակներում հայտարարում է տեղական խորհրդատուների մրցույթ: 

 

Տեղական խորհրդատուների պարտականությունների մեջ մտնում են.

- վերապատրաստման ենթակա ուսուցիչների վերաբերյալ պահանջվող տեղեկությունների հավաքում, տվյալների բազայի ստեղծում, աջակցություն  կրթության վարչություններին` ուսուցիչների վերապատրաստման վերաբերյալ վիճակագրական տվյալների մշակման և ՀՀ ԿԳՆ ու ԿԾԿ ԾԻԳ ներկայացնելու գործընթացին,

- մասնակցություն վերապատրաստման ժամանակացույցերի նախագծերի մշակմանը և  ծրագրի ամբողջ ընթացքում տեղերում աշխատանքների համակարգում,

- մասնակցություն իրեն կցված մարզի տարածքում ուսուցիչների մասնագիտական կատարելագործման և վերապատրաստման ծրագրերի  քննարկմանը, և առաջարկությունների ներկայացում ԿԾԿ ԾԻԳ

- վերապատրաստումների  մոնիթորինգի իրականացում:  

 

Որակավորմանը ներկայացվող պահանջները հետևյալն են`

• բարձրագույն  կրթություն,  

• նվազագույնը 3 տարվա աշխատանքային փորձ, որից 2-ը` կրթության կազմակերպման ոլորտում,  

• կրթական ոլորտի օրենքների և համապատասխան նորմատիվ ակտերի իմացություն,

• հաղորդակցական հմտությունների լավ տիրապետում և տարբեր սոցիալական խմբերի հետ շփվելու կարողություն,

• համակարգչային հմտություններ,  MS Word, MS Excel ծրագրերի իմացություն,

• տվյալների բազաի հետ աշխատելու ունակություն,

• հայոց լեզվի գերազանց իմացություն, դրա հետ մեկտեղ անգլերենի իմացությունը նախընտրելի է,

• ծանրաբեռնված և աշխատանքային ժամերից դուրս աշխատելու կարողություն:  

 

Աշխատանքները կիրականացվեն փուլերով 2011 նոյեմբերից մինչև 2014թ. նոյեմբերը ընկած ժամանակահատվածում:

 

Դիմողները պետք է ներկայացնեն`

ա) դիմում, նշելով` հասցեն, հեռախոսը, էլեկտրոնային հասցեն,

բ) ինքնակենսագրություն,

դ) մեկ լուսանկար (3x4 չափսի),

ե) դիպլոմ(ներ)ի կրկնօրինակ(ներ)ը,

Ընտրությունը կիրականացվի երկու փուլով` ներկայացված փաստաթղթերի հիման վրա և հարցազրույցի միջոցով: Հարցազրույցի կհրավիրվեն միայն առաջին փուլն անցած թեկնածուները:

Դիմումներն ընդունվում են աշխատանքային օրերին, մինչև  ս.թ. նոյեմբերի 10-ը ներառյալ: 

     Հասցեն` Երևան 70, Վրացյան 73, <<Կրթական ծրագրերի կենտրոն>> ԾԻԳ, էլեկտրոնային փոստ` cfep@armincօ.cօm:Հեռախոսներ` 57-56-47 կամ 57-56-90.

 

ՀՀ ԿԳՆ <<Կրթական ծրագրերի կենտրոն>> ԾԻԳ